आपल्या लाडक्या गणरायाचे आगमन आता काही महिन्यांवर येऊन ठेपले आहे. ५ दिवस चालणाऱ्या या आनंदोत्सवाची आपण नेहमीच वाट बघत असतो. या आनंदोत्सवाला जोड लाभली आहे ती आपल्या मंडळाच्या रौप्य महोत्सवी वर्षाची. रौप्य महोत्सवाच्या निमित्ताने वर्षभर आपण आनंदोत्सव साजरा करतोच आहोत मग हाच उत्सव आपण यावर्षी आपल्या लाडक्या विविध गुण दर्शन या कार्यक्रमातून साजरा केला तर? छान कल्पना आहे नाही का? आनंदोत्सव हीच संकल्पना घेऊन यावर्षीचा विविध गुण दर्शन हा कार्यकम आपण करणार आहोत.
मंडळी, नृत्य म्हणजे काय तर मानवी भाव-भावनांचा अविष्कार. कुठल्याही आनंदाच्या प्रसंगी सहज स्फुरते ते नृत्य.. मग ते शास्त्रीय असो की फिल्मी आणि शिकून व्यवस्थित बसवलेले असो वा संगीताच्या तालावर आतून स्फुरलेले, त्यातून आनंद साजरा केला जातो. वर्षा ऋतूच्या आगमनाने हर्षोल्हासित होऊन मोर सुद्धा पिसारा फुलवून नृत्य करायला लागतोच. सण- समारंभ, यानिमित्ताने सगळ्यांचीच पावलं थिरकतात. सणासुदीला केली जाणारी पारंपारिक नृत्ये, शास्त्रीय नृत्ये किंवा नव्या पिढीची आधुनिक नृत्यशैली यातून होणारा आनंदोत्सवाचा अविष्कार आपल्याला नृत्यातून सादर करायचा आहे.
विविध गुणदर्शन मध्ये नृत्याव्यतिरिक्त इतर कलागुण सादर करण्याची तुमची इच्छा असेल तर नक्की स्वागत आहे. एखादे समूहगान ( group song ), प्रहसन ( skit ), किंवा नाट्य प्रवेश आपण सादर करू शकता.
मग मंडळी लागा तयारीला आणि तुमच्या प्रवेशिका लवकरात लवकर आमच्याकडे पाठवा.
कार्यक्रमाचे नियम व अटी खालीलप्रमाणे.
आपली कार्यकारिणी,
महाराष्ट्र मंडळ, सिंगापूर
Download Member's AppIOS / Android
Established 1994 | UEN S94SS0093G138, Robinson Road, #02-26, OXLEY TOWER, Singapore 068906 Fax # : 63993699
