नमस्कार मंडळी,
हे वर्ष खऱ्या अर्थाने अनोखे वर्ष आहे. त्यामुळे यंदा आपण आपला अतिशय आवडता गणेशोत्सव वेगळ्या पद्धतीने साजरा करत आहोत. त्यातील आपल्या सर्वांचा लाडका कार्यक्रम, विविध गुणदर्शन, २२ ऑगस्ट २०२० रोजी करण्याचा मंडळाचा मानस आहे. सध्याची परिस्थिती आणि नियमांमुळे या वर्षीचा कार्यक्रम प्रत्यक्ष स्टेज वर न होता ऑनलाईन प्रक्षेपित करण्यात येईल.
या वर्षीचा विषय आहे महाराष्ट्र माझा. आपल्या लाडक्या महाराष्ट्राबद्द्ल भावलेलं कुठलंही वैशिष्ट्य किंवा विविधता तुम्ही नृत्यातून, संगीतातून आणि अभिनयातून दर्शवू शकता. यावर्षी सर्किट ब्रेकरच्या नियमांमुळे आपण सोलो सादरीकरण समाविष्ट करणार आहोत. सभासद सोलो किंवा ग्रुप कार्यक्रम सादर करू शकतात.
सहभागाचे नियम :
नावनोंदणीची शेवटची तारीख २५ जुलै २०२० आहे. नावनोंदणीच्या वेळी तुमच्या कार्यक्रमाची गाणी आणि साधारण आराखडा द्यावा. दोन कार्यक्रमात सारखी गाणी आल्यास प्रथम नोंदणी केलेल्या कार्यक्रमाला प्राधान्य देण्यात येईल.
तुमचा फायनल विडिओ आमच्याकडे १५ ऑगस्ट पर्यंत पोचावा.
अधिक माहितीसाठी मयुरा गोरे यांना +65 9030 2874 वर व्हाट्सऍप किंवा feedback@mmsingapore.org ला ई-मेल द्वारे संपर्क करा.
Download Member's AppIOS / Android
Established 1994 | UEN S94SS0093G138, Robinson Road, #02-26, OXLEY TOWER, Singapore 068906 Fax # : 63993699
