गणेशोत्सव कला प्रदर्शन - "बाप्पाच्या मांडवात कलांची आरास!"

नमस्कार मंडळी,

विद्येचे दैवत आणि विविध कलांचा अधिष्ठाता असलेल्या आपल्या लाडक्या बाप्पाचं आगमन आपण दरवर्षी जल्लोषात आणि कलात्मक सादरीकरणातून करत असतो.

यंदाही महाराष्ट्र मंडळ सिंगापूर आपल्या सर्व कलारसिक सदस्यांसाठी घेऊन येत आहे एक खास संधी—"बाप्पाच्या मांडवात कलांची आरास!"

गणेशोत्सवाच्या पाच दिवसांत दररोज वेगवेगळ्या कलाप्रकारांचं प्रदर्शनी रूपाने सादरीकरण करण्यात येणार आहे. यामध्ये चित्रकला, छायाचित्रण, हस्तकला, सुलेखन आणि आपल्या बाल कलाकारांनी बनवलेल्या गणेशमूर्ती यांचा समावेश असणार आहे.

• प्रत्येक कलाकाराला 2 फुट * 2 फुट इतकी जागा उपलब्ध करून दिली जाईल.
• प्रदर्शन संपल्यानंतर आपल्या कलाकृती आपणच परत न्याव्यात ही विनंती. मंडळ त्यांच्या सुरक्षिततेची जबाबदारी घेऊ शकणार नाही.
• कलाकृती सादर करण्यासाठी टेबलची सोय मंडळाकडून केली जाईल. तथापि, जर तुम्हाला विशेष स्टँड किंवा इतर साहित्याची गरज असेल, तर त्याची व्यवस्था कलाकारांनी स्वतः करावी.

तुम्हालाही तुमची कलाकृती ह्या अनोख्या प्रदर्शनात सहभागी करून घ्यायची असल्यास, कृपया लवकरात लवकर नावनोंदणी करा.

चला तर, आपली कला बाप्पाच्या चरणी अर्पण करूया आणि हा उत्सव अजून सुंदर बनवूया!

https://mmsingapore.org/event-6290748

*कार्यक्रमातील सहभाग, वेळापत्रक व इतर तपशील मंडळाच्या निर्णयानुसार बदलू शकतात. मंडळाचा निर्णय अंतिम असेल.

कार्यक्रम पुढे ढकलण्याचा किंवा रद्द करण्याचा पूर्ण अधिकार मंडळास असेल.

सस्नेह,

म.मं.सिं. कार्यकारिणी